Friday, February 17, 2012

Canadian Literature Awards

பிரபல எழுத்தாளர் இருவருக்குக் கிடைக்கும் கனடிய இலக்கிய விருதுகள்.

கனடிய இலக்கிய விருதுகள் இம்முறை பிரபல எழுத்தாளர்களான
எஸ். இராமகிருஷ்ணனுக்கும், குரு அரவிந்தனுக்கும் கிடைக்கின்றன.

எஸ். ராமகிருஷ்ணனுக்கு கனடா தமிழ் இலக்கியத் தோட்டத்தின் விருது - 2011

கனடா தமிழ் இலக்கியத் தோட்டத்தின் 2011ம் ஆண்டுக்கான இயல் விருது இம்முறை எழுத்தாளரான எஸ். ராமகிருஷ்ணனுக்குக் (S.Ramakrishnan) கிடைக்கின்றது. கனடா தமிழ் இலக்கியத் தோட்டம் அளிக்கும் இந்த வாழ்நாள் தமிழ் இலக்கிய சாதனை விருது கடந்த 25 வருடங்களாக தமிழுக்குத் தன்னை அர்ப்ணித்துக் கொண்ட எழுத்தாளர் எஸ். ராமகிருஷ்னனுக்குக் கிடைத்திருக்கின்றது. இவர் நாவல், சிறுகதை, குழந்தை இலக்கியம், நாடகம், கட்டுரை, திரைக்கதை என பன்முக ஆளுமைகொண்டவர். பல விருதுகளைப் பெற்ற இவர் ‘அட்சரம்’ என்ற காலாண்டு இலக்கிய இதழையும் நடத்தி வருகின்றார். தமிழ் இலக்கியத் தோட்டத்தின் விருது வழங்கும் விழா வழமைபோல எதிர்வரும் ஜுன் மாதம் நடைபெற இருக்கின்றது.


குரு அரவிந்தனுக்கு தமிழர் தகவல் இலக்கிய விருது - 2012

கனடியத் தமிழரின் அடையாளமாக, வரலாற்றுப் பதிவாக தன்னை நிலைநாட்டி, தொடர்ந்து 21 வருடங்களாக வெளிவந்து சாதனை படைக்கும் தமிழர் தகவல் இவ்வருடத்திற்கான இலக்கிய விருதை எழுத்தாளர் குரு அரவிந்தனுக்கு (Kuru Aravinthan) வழங்கிக் கௌரவிக்கின்றது. பல விருதுகளைப் பெற்ற இவரும் நாவல், சிறுகதை, குழந்தை இலக்கியம், நாடகம், கட்டுரை, திரைக்கதை என பன்முக ஆளுமைகொண்டவர். ஓன்ராறியோ அரசின் தொண்டர் சேவை விருதைப்பெற்ற, மகாஜனாக்கல்லூரி பழையமாணவரான இவர் ஒன்ராறியோ தமிழ் ஆசிரியர் சங்கத் தலைவராகவும் இருக்கின்றார். தமிழ்த்துறைசார் எழுத்து, இலக்கியம், சிறுவர் கல்வி, நாடகம், திரைக்கலை ஆகிய சகல துறைகளிலும் பிரகாசித்துவரும் குரு அரவிந்தன் அவர்கள் தமிழர் தகவல் சிறப்பு விருதுடன், தங்கப் பதக்கமும் சூட்டி மதிப்பளிக்கப்படுகின்றார்.

Pam McConnell(City Councillor) Hon.Glem Murray( Minister of Training Universities) Kuru Aravinthan (Award Recipient) A.Muthulingam (Writer) R.Rajkumar and Dr.E. Balasundram.






No comments:

Post a Comment