Friday, August 7, 2015

குரு அரவிந்த​னின் குழந்தைக் கவிதைகள் - Kids Songs

















மகாஜனன் குழந்தைக் கவிதைகள் - 2008

குரு அரவிந்த​னின் குழந்தைக் கவிதைகள்


ஈசன் பாதம் பணிவோமே

(அகர வரிசைப் பாடல்)

அண்ணா அக்கா வாருங்கள்
ஆசான் சொல்லப் படிப்போமே
இங்கே இப்போ வாருங்கள்
ஈசன் பாதம் பணிவோமே

உண்மை என்றும் பேசிடுவோம்
ஊக்கத் தோடே உழைத்திடுவோம்
எண்ணும் எழுத்தும் படித்திடுவோம்
ஏட்டில் உளதைக் கற்றிடுவோம்

ஓன்று பட்டே வாழ்ந்திடுவோம்
ஓடி ஆடிப் பாடிடுவோம்
ஐயம் இன்றிப் பேசிடுவோம்
ஓளவை சொற்படி வாழ்ந்திடுவோம்.


















வாத்து

குவாக் குவா வாத்து நீ
எங்கு போனாய் நேற்று
பார்த்துப் பார்த்துப் பார்த்துக்
கண்ணும் பூத்துப் போச்சு

மெல்ல மெல்ல நடக்கிறாய்
மேலும் கீழும் பார்க்கிறாய்
பாடிப் பாடித் திரிகிறாய்
பள்ளி எங்கே கொள்கிறாய்?

தண்ணீ ரில்நீ நீந்திறாய்
தலையை மூழ்கி எழுகிறாய்
வாயில் மீனைக் கவ்விறாய்
வாவ்வாவ் என்றே தின்கிறாய்

கூட்ட மாகத் திரிகிறாய்
கூடிக் கூடி மகிழ்கிறாய்
ஒன்று பட்டால் உண்டு வாழ்(வு)
என்று சொல்லித் தருகிறாய்.





















சிரிக்கும் மலர்கள்

எங்கள் வீட்டுத் தோட்டத்தில்
சின்னச் சின்னச் செடிகளில்
காலை நேரம் மலர்ந்திடும்
வண்ண வண்ணப் பூக்களாம்

வண்டு வந்து பாடுமாம்
வண்ண மலர்கள் ஆடுமாம்
தென்றல் வந்து தழுவுமாம்
மகிழ்ந்தே இன்பம் காணுமாம்

தேன்கு டிக்கும் வண்டினம்
பசியி ழந்து பறந்திடும்
களிப்ப டைந்த மலர்களும்
மெல்லச் சிரித்து மகிழ்ந்திடும்.


                                                             










மகாஜனக் கல்லூரி நூற்றாண்டு விழாவை முன்னிட்டு (2010)
குரு அரவிந்தனின் தமிழ் ஆரம் குறுந்தட்டிலிந்து தெரிந்தெடுத்து தெல்லிப்பழை மகாஜனக்கல்லூரி வெளியிட்ட மகாஜனன்
குழந்தைக் கவிதைகள் என்ற தொகுப்பில் இருந்து.

(நன்றி – மகாஜனன் குழந்தைக் கவிதைகள் - 2008)

No comments:

Post a Comment