Thursday, September 15, 2016

Writer Kuramahal - Mrs. V. Ramalingam





Writer Mrs. V. Ramalingam ( Kuramahal) has passed on this 15th of September 2016 -

Heartfelt condolences to their family.

Kuru Aravinthan, Toronto

kuruaravinthan@hotmail.com

வள்ளிநாயகி இராமலிங்கம் (குறமகள்)

நிமிர்ந்த நன்னடை நேர்கொண்ட பார்வையும்
நிலத்தில் யார்க்கும் அஞ்சாத நெறிகளும்
நிமிர்ந்த ஞானச் செருக்கும் இருப்பதால்
செம்மை மாதர் திறம்புவதில்யையாம். – பாரதி

காங்கேசந்துறை, மாவிட்புரத்தில் குருவீதியைப் பிறப்பிடமாகக் கொண்டவரும், நடேஸ்வராக் கல்லூரி பழைய மாணவியும், கனடாவில் வசித்தவருமான ஈழத்து எழுத்தின் மூத்த பெண் எழுத்தாளர் திருமதி வள்ளிநாயகி இராமலிங்கம் அவர்கள் 15-09-2016 ஆம் ஆண்டு எம்மைவிட்டுப் பிரிந்து விட்டார். இவரது மறைவு ஈழத்து இலக்கியத்திற்கு மட்டுமல்ல, கனடிய தமிழ் இலக்கியத்திற்கும் பெரும் இழப்பாகும். ஈழத்தில் பயிற்றப்பட்ட ஆசிரியையாகக் கடமையாற்றினார். குறமகள் என்ற பெயரில் சிறுகதைத் துறையில் தனக்கென ஓரிடத்தைப் பெற்றிருக்கும் இவரது முதலாவது சிறுகதையான ‘போலிக் கௌரவம்’ 1955 ஆம் ஆண்டளவில் ஈழகேசரியில் பிரசுரமானது. சிறுகதைகள் மட்டுமன்றி கட்டுரைகள், கவிதைகள் என்பவற்றிலும் இவர் தம் ஆளுமையைக் காட்டியுள்ளார். பெண்களின் சமூக விடுதலைக்கான கருத்துக்களை மையமாகக் கொண்டு எழுதும் இவரது ஆக்கங்கள் ஈழகேசரி, சுதந்திரன், வீரகேசரி, தினகரன், கலைச்செல்வி, வெற்றிமணி, ஆனந்த விகடன், ஆகிய இதழ்களிலும், கனடிய பத்திரிகைகளிலும் வெளிவந்துள்ளன.

ஆசிரியப்பணி, குடும்பப் பொறுப்பு, இலக்கியப்பணி என்று இவரது கடமைகள் விரிந்து சென்றன. இலக்கிய இயக்கங்களுடன் சேர்ந்து சமூகப் பிரக்ஞையுடன் யாழ் இலக்கிய வட்டத்தின் உபதலைவராக இருந்து பல நற்பணிகளை இவர் ஆற்றினார். தனது படைப்புக்களை மட்டுமல்ல, விடுதலைப் போரில் போராளியாக மாறிய கடைசி மகள் ரோசா மாவீரர்களில் ஒருவராகிவிட்ட இழப்பையும் தாங்கிக் கொண்டவர். 
வீரகேசரியில் ‘மத்தாப்பு’ என்ற குறுநாவலில் மஞ்சள் வர்ணத்தை வைத்து ஒரு அத்தியாயத்தை எழுதியுள்ளார். மாணிக்கம் சஞ்சிகையில் பிரபல எழுத்தாளர்கல் சிலருடன் சேர்ந்து "கடல் தாரகை" என்ற குறுநாவலை எழுதியுள்ளார். 1954 ம் ஆண்டிலிருந்து சிறுகதை, கட்டுரை, கவிதை எனத் தொடங்கிய இவர் எழுத்துலகில் 50 ஆண்டுகளைக் கடந்துள்ளார். யாழ்ப்பாணத்துப் பெண்களின் கல்விப் பரம்பரியம், குறமகள் கதைகள், உள்ளக்கமலமடி போன்ற நூல்களையும் இவர் வெளியிட்டுள்ளார். இவர் எம்மைவிட்டுப் பிரிந்தாலும் இவரது இலக்கியம் எம்மோடு என்றென்றும் வாழும்.


குரு அரவிந்தன்.




No comments:

Post a Comment